Благодарственые молитвы по Святом Причастия
(на церковнославянском языке)
Слава Тебе, Боже. Слава Тебе, Боже. Слава Тебе, Боже.
Благодарственная молитва, 1-я
Благодарю Тя, Господи, Боже мой, яко не отринул мя еси грешнаго, но общника мя быти святынь Твоих сподобил еси. Благодарю Тя, яко мене недостойнаго причаститися Пречистых Твоих и Небесных Даров сподобил еси. Но Владыко Человеколюбче, нас ради умерый же и воскресый, и даровавый нам страшная сия и животворящая Таинства во благодеяние и освящение душ и телес наших, даждь быти сим и мне во исцеление души же и тела, во отгнание всякаго сопротивнаго, в просвещение очию сердца моего, в мир душевных моих сил, в веру непостыдну, в любовь нелицемерну, во исполнение премудрости, в соблюдение заповедей Твоих, в приложение Божественныя Твоея благодати и Твоего Царствия присвоение; да во святыни Твоей теми сохраняемь, Твою благодать поминаю всегда, и не к тому себе живу, но Тебе, нашему Владыце и Благодетелю; и тако сего жития исшед о надежди живота вечнаго, в присносущный достигну покой, идеже празднующих глас непрестанный, и безконечная сладость, зрящих Твоего лица доброту неизреченную. Ты бо еси истинное желание, и неизреченное веселие любящих Тя, Христе Боже наш, и Тя поет вся тварь во веки. Аминь.
Молитва 2-я, святого Василия Великого
Владыко Христе Боже, Царю веков, и Содетелю всех, благодарю Тя о всех, яже ми подал благих, и о причащении пречистых и животворящих Твоих Таинств. Молю убо Тя, Блаже и Человеколюбче: сохрани мя под кровом Твоим, и в сени крилу Твоею; и даруй ми чистою совестию, даже до последняго моего издыхания, достойно причащатися святынь Твоих, во оставление грехов, и в жизнь вечную. Ты бо еси хлеб животный, источник святыни, Податель благих, и Тебе славу возсылаем, со Отцем и Святым Духом, ныне и присно, и во веки веков. Аминь.
Молитва 3-я , Симеона Метафраста
Давый пищу мне плоть Твою волею, огнь сый и опаляяй недостойныя, да не опалиши мене, Содетелю мой; паче же пройди во уды моя, во вся составы, во утробу, в сердце. Попали терние всех моих прегрешений. Душу очисти, освяти помышления. Составы утверди с костьми вкупе. Чувств просвети простую пятерицу. Всего мя спригвозди страху Твоему. Присно покрый, соблюди же, и сохрани мя от всякаго дела и слова душетленнаго. Очисти и омый, и украси мя; удобри, вразуми, и просвети мя. Покажи мя Твое селение единаго Духа, и не ктому селение греха. Да яко Твоего дому, входом причащения, яко огня мене бежит всяк злодей, всяка страсть. Молитвенники Тебе приношу вся святыя, чиноначалия же безплотных, Предтечу Твоего, премудрыя Апостолы, к сим же Твою нескверную чистую Матерь, ихже мольбы Благоутробне приими, Христе мой, и сыном света соделай Твоего служителя. Ты бо еси освящение и единый наших, Блаже, душ и светлость; и Тебе лепоподобно, яко Богу и Владыце, славу вси возсылаем на всяк день.
Молитва 4-я
Тело Твое Святое, Господи, Иисусе Христе, Боже наш, да будет ми в живот вечный, и Кровь Твоя Честная во оставление грехов: буди же ми благодарение сие в радость, здравие и веселие; в страшное же и второе пришествие Твое сподоби мя грешнаго стати одесную славы Твоея, молитвами Пречистыя Твоея Матере, и всех святых.
Молитва 5-я, ко Пресвятой Богородице
Пресвятая Владычице Богородице, свете помраченныя моея души, надеждо, покрове, прибежище, утешение, радование мое, благодарю Тя, яко сподобила мя еси недостойнаго, причастника быти Пречистаго Тела и Честныя Крове Сына Твоего. Но Рождшая истинный Свет, просвети моя умныя очи сердца; Яже Источник безсмертия рождшая, оживотвори мя умерщвленнаго грехом; Яже милостиваго Бога любоблагоутробная Мати, помилуй мя, и даждь ми умиление и сокрушение в сердце моем, и смирение в мыслех моих, и воззвание в пленениих помышлений моих; и сподоби мя до последняго издыхания, неосужденно приимати пречистых Таин освящение, во исцеление души же и тела. И подаждь ми слезы покаяния и исповедания, во еже пети и славити Тя во вся дни живота моего, яко благословенна и препрoславленна еси во веки. Аминь.
Ныне отпущаеши раба Твоего, Владыко, по глаголу Твоему, с миром: яко видеста очи мои спасение Твое, еже еси уготовал пред лицем всех людей, свет во откровение языков и славу людей Твоих, Израиля.
Трисвятое. Пресвятая Троице... Отче наш...
Тропарь св. Иоанну Златоустому, глас 8-й
Уст твоих, якоже светлость огня, возсиявши благодать, вселенную просвети: не сребролюбия мирови сокровища сниска, высоту нам смиренномудрия показа, но твоими словесы наказуя, отче Иоанне Златоусте, моли Слова Христа Бога спастися душам нашим.
Кондак, глас 6-й
Слава: От небес приял еси Божественную благодать, и твоими устнами вся учиши покланятися в Троице единому Богу, Иоанне Златоусте всеблаженне, преподобне, достойно хвалим тя: еси бо наставник, яко божественная являя.
И ныне: Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.
Если совершалась литургия святого Василия Великого, читай тропарь Василию Великому, глас 1-й:
Во всю землю изыде вещание твое, яко приемшую слово твое, имже боголепно научил еси, естество сущих уяснил еси, человеческия обычаи украсил еси, царское священие, отче преподобне, моли Христа Бога, спастися душам нашим.
Кондак, глас 4-й
Слава: Явился еси основание непоколебимое церкве, подая всем некрадомое господство человеком, запечатлея твоими веленьми, небоявленне Василие преподобне.
И ныне: Предстательство христиан...
Если совершалась литургия Преждеосвященных Даров, читай тропарь святому Григорию Двоеслову, глас 4-й:
Иже от Бога свыше божественную благодать восприем, славне Григорие, и Того силою укрепляемь, евангельски шествовати изволил еси, отонудуже у Христа возмездие трудов приял еси всеблаженне: Егоже моли, да спасет души наша.
Кондак, глас 3-й
Слава: Подобоначальник показался еси Начальника пастырем Христа, иноков чреды, отче Григорие, ко ограде небесней наставляя, и оттуду научил еси стадо Христово заповедем Его: ныне же с ними радуешися, и ликуеши в небесных кровех.
И ныне: Предстательство христиан...
Господи, помилуй. (12 раз)
Слава, и ныне.
Честнейшую херувим и славнейшую без сравнения Серафим, без истления Бога Слова родшую, сущую Богородицу Тя величаем
Молитвы После Причащения
(на современном русском языке)
(Перевод Московской Духовной Академии.
Перепечатано с молитвенника, изданного в Москве в 1874 г.).
Слава Тебе, Боже! Слава Тебе, Боже! Слава Тебе, Боже!
Молитва первая
Благодарю Тебя, Господи Боже мой, что Ты не отвергнул меня грешного, но сподобил быть участником святынь Твоих. Благодарю Тебя, что сподобил меня, недостойного, причаститься пречистых и небесных даров Твоих. Но, о человеколюбивый Владыка, ради нас умерший и воскресший, и даровавший нам страшные сии и животворящие Твои таинства в благодеяние и освящение душ и тел наших! Дай их мне в исцеление души и тела, в отражение всякого врага, в просветление очей сердца моего, в умиротворение душевных моих сил, в непостыдную веру, в нелицемерную любовь, в умножение премудрости, во исполнение Твоих заповедей, в приумножение Твоей благодати и усвоение Твоего царства, чтобы я, охраняемый ими в Твоем освящении, всегда помнил Твою благодать и жил не для себя, но для Тебя, нашего Владыки и благодетеля. И так, окончив настоящую жизнь с надеждою жизни вечной, достиг вечного покоя, где (слышен) непрестанный голос наслаждающихся блаженством и бесконечная радость созерцающих неизреченную красоту лица Твоего, ибо Ты, Христе Боже наш, есть истинное наслаждение и неизреченная радость любящих Тебя, и Тебя восхваляют все творения во веки. Аминь.
Молитва св. Василия Великого
Владыка Христе Боже, Царь веков и Творец всего! Благодарю Тебя за все блага, которые Ты даровал мне в принятии пречистых и животворящих Твоих таинств. Умоляю Тебя, милосердный и человеколюбивый, сохрани меня под кровом Твоим и в тени крыльев Твоих и даруй мне до последнего моего вздоха с чистою совестью достойно причащаться святынь Твоих в оставление грехов и в жизнь вечную. Ибо Ты — хлеб жизни, источник святыни, податель благ, и Тебе славу воссылаем вместе с Отцом и Святым Духом, ныне и присно и в веки веков. Аминь.
Молитва третья
Господи Иисусе Христе, Боже наш! Святое тело Твое да будет мне в жизнь вечную и честная кровь Твоя — в оставление грехов. Да будет мне сия (вечеря) благодарения в радость, в здравие и веселье. В страшное же второе пришествие Твое сподоби меня грешного стать с правой стороны славы Твоей по молитвам Пречистой Твоей Матери и всех святых.
Молитва к Пресвятой Богородице
Пресвятая Владычица Богородица, свет помраченной моей души, надежда, покров, прибежище, утешение, радость моя! Благодарю Тебя, что удостоила меня, недостойного, причаститься пречистого Тела и честной Крови Сына Твоего. Но, родившая истинный свет, просвети духовные очи моего сердца! Произведшая источник бессмертия, оживи меня, умерщвленного грехом! Как милостивая Мать милостивого Бога, помилуй меня и даруй сердцу моему умиление и сокрушение, моим мыслям — скромность и освобождение от плена помыслов моих. Сподоби меня до последнего моего вздоха неосужденно принимать освящение пречистыми таинствами во исцеление души и тела. И подай мне слезы покаяния и исповеди, чтобы воспевать и прославлять Тебя во все дни моей жизни; ибо Ты благословенна и прославленна во веки. Аминь.
Ныне отпускаешь раба Твоего, Владыка, по слову Твоему, с миром; ибо видели очи мои спасение Твое, которое Ты уготовал пред лицом всех людей, свет к просвещению язычников и славу народа Твоего Израилева (Лук. 2:29-32).
Молитвы сняты с сайта azbyka.ru